ആട്ടിറച്ചിയെന്ന് കരുതി ബീഫ് കഴിച്ച ഇന്ത്യക്കാരന് ശുദ്ധിക്രിയയ്ക്ക് നാട്ടിലെത്താന് സൂപ്പര്മാര്ക്കറ്റില്നിന്ന് വിമാനക്കൂലി തേടുന്നു
വെല്ലിംഗ്ടണ്: സൂപ്പര്മാര്ക്കറ്റില് നിന്ന് ആട്ടിറച്ചിയെന്ന് കരുതി വാങ്ങിയ ബീഫ് കഴിച്ച ഇന്ത്യക്കാരന് കടയുടമയില് നിന്ന് നഷ്ടപരിഹാരം തേടുന്നു.
ന്യൂസിലാന്ഡിലാണ് സംഭവം. 20 വര്ഷം മുമ്പ് ന്യൂസിലാന്ഡില് താമസമാക്കിയ ഇന്ത്യന് വംശജന് ജസ്വീന്ദര് പോള് ആണ് പാപ പരിഹാര ക്രിയ നടത്തുന്നതിന് ഇന്ത്യയിലേക്കു പോകാനുള്ള വിമാനക്കൂലി ആവശ്യപ്പെട്ട് സൂപ്പര്മാര്ക്കറ്റ് ഉടമകളെ സമീപിച്ചിട്ടുള്ളത്. പാപപരിഹാര ക്രിയകള് പൂര്ത്തിയാകാന് നാല് മുതല് ആറാഴ്ച വരെ സമയമെടക്കുമെന്ന് ജസ്വീന്ദര് പ്രാദേശിക ന്യൂസ് വെബ് സൈറ്റ് സ്റ്റഫിനോട് പറഞ്ഞു.
സൂപ്പര്മാര്ക്കറ്റില് ആട്ടിറച്ചിയെന്ന ലേബലൊട്ടിച്ച മാംസമാണ് വില്പന നടത്തിയത്. പാകം ചെയ്ത് ഭക്ഷിച്ച ശേഷമാണ് ആടല്ല, ബീഫാണെന്ന് മനസ്സിലായതെന്ന് ബാര്ബര് ജോലി നോക്കുന്ന ജസ്വീന്ദര് പറഞ്ഞു.
അബദ്ധം സമ്മതിച്ച സൂപ്പര്മാര്ക്കറ്റ് ഗിഫ്റ്റ് വൗച്ചര് നല്കിയെങ്കിലും ഇന്ത്യയിലേക്കും തിരിച്ചുമുള്ള എയര് ടിക്കറ്റ് ലഭിക്കണമെന്ന ആവശ്യത്തില് ഉറച്ചുനില്ക്കുകയാണ് പരാതിക്കാരന്.
